O ALCALDE DE ARES POIDO INCORRER EN DESACATO - Xa lle soan as cornetas a Cendán

Como xa estaba vaticinado, empezan a soar as cornetas igual que ante os muros de Jericó, segundo a lenda bíblica.

O Deputado nacionalista Fernando Blanco levou ante o Parlamento Galego a situación do Novo concello de Ares, inaugurado malia que sobre o edificio pesa unha orde da Xunta de paralizar as obras por invadir zoas verdes.Contestou o Director Xeral de Urbanismo, Ramón Lueje, confirmando tal e como xa dixera a Xunta en máis ocasións que, efectivamente o Alcalde de Ares José Manuel Cendán "non deu resposta ao requirimento de parar as obras que lle fixo a Consellería".

Lueje tamén se referiu a que, froito desa situación, está interposto un recurso contencioso administrativo, que xa foi admitido a trámite no xulgado de Ferrol, e que "o alcalde puido incorrer nun delito de desacato" por no ter parado as obras.

O responsable de Urbanismo tamén indicou que é "incomprensible que un concello vulnere a súa propia normativa"