O ALCALDE DE ARES, IMPUTADO XA POR DELICTO ELECTORAL

CENDAN, UN ALCALDE CACIQUIL E BOTADO PARA DIANTE

Diciamos fai un par de días que ao Alcalde de ARES lle adiantaban outros pola dereita e pola esquerda na carreira á corrupción.

Pero que tiña xa boa base para opositar a un posto entre estes chourizos, que aproveitan a función pública no seu beneficio e proveito.

Ou en proveito das súas amizades, parentes e colegas de partido ou ideoloxía.

É o nepotismo, do que temén acúsaselle recentemente, pola provisión e blindaxe dos enchufados a dedo no Concello.
Intentando con esto crear unha administración paralela, afín o PP en postos clave para o funcionamento do Concello.

"Todo queda atado e ben atado"

Pode haber mais implicados, entre eles Luis Cendán, o irmán xemelgo .

Hai que esperar, claro, pero xa hai moito treito andado ao estar imputado de delicto electoral, que pode levar a Condena e Inhabilitación para cargo público.


Romayo de Chanteiro

Novo Concello de Ares, Inauguración o 6 de decembro -DIA DA CONSTITUCION

Novo concello - Tomate & Pocholadas

O alcalde de Ares debe aprender aínda un pouco mais de outros máis famosos. Ocorre que adiántanlle pola dereita e pola esquerda.
Porque aínda que xa ten boa base para ir a oposicións, e de feito xa ten casos de "famoseo" ben célebres, outros estanlle levando vantaxe.

Debe darse présa para entrar un pouco máis no "famoseo tomatero" dos Alcaldes patanes, linguateiros, chourizos, corruptos e prevaricadores.
Os exemplos son múltiples, abonda pensar en Marbella e ver a saga que deixou o "ostentóreo" Xesús Gil.


Pero non fai falta ir tan lonxe en Galicia temos casos a magallón e nas inmediacións fálase estes días de Cabanas e Ortigueira.


A cada Santo chégalle o seu día e a cada porco o seu San Martín.
Aos Santos tárdase en elevalos aos altares e os alcaldes teñen que facer tamén méritos e trapalladas para chegar ao abismo.

O de Ares, con todo o que se dí que leva feito, non hai forma de levalo ás tebras. E exultante anuncia aos medios que pronto inaugurará o Novo Concello, sobre o que pesa unha orden de paralización de obras.

Da obra di que se sente orgulloso. Igual que un Faraón de súas pirámides, o Caudillo do seu Val dos Caídos e Fraga supoño que da sua, aínda non se sabe, Cidade da Cultura do monte Gaiás.

Obras así fanse, sobre todo, por soberbia histórica, para pasmar e inmortalizar o fugaz.

Pero, mentres non chega ese día, tantas veces anunciado e prometido, xa pódese "gozar" do son hortera e machacón cada 15 minutos, do Reloxo Consistorial.

Non sabemos se tamén de noite, pero durante o día á parte das badaladas, en certos momentos soan varias melodías dixitalizadas: O himno nacional, o de Galicia, o Antigo Reino e incluso escoitamos, supoñemos que en probas: A Sálvea Mariñeira, e outras pezas máis.

Bótase de menos neste ano da Memoria histórica, que non se inclúa a versión enxebre do Himno de Riego.

Romayo de Chanteiro

BANDA ANCHA DE INTERNET, ¡YA! - Chanteiro.Org

Visita Chanteiro.Org, descarga Hoja de recogida de firmas y colabora para que en la zona haya Conexión de BANDA ANCHA a Internet.