¡Barco á vista! - MOCION DE CONFIANZA REAFÍRMANTE PARA JULIO IGLESIAS

ORZAMENTOS - 2009

Logo de asistir "virtualmente" ao Pleno dos Orzamentos 2009, podemos dicir que cada grupo chegou cunha idea preconcibida da súa actuación no mesmo.
Despois de que as reunións preliminares non frutificasen en ningún acordo e non ía haber consenso.
Cada quen non estaba disposto a ceder nadiña de nada.
Traían xa a súa postura definida e mantivéronse firmes nela. Non podían ceder, por manterse na súa postura de estratexia partidista e contentar á súa parroquia e non dar impresión de ser colaboracionistas.
Sabían ademais que todo vai saír ben.
E mesmo o equipo de goberno, que aínda que en minoría, non estaba disposto a ceder nas súas pretensións e traía ben aprendido que non lle facía falta buscar consenso, porque os orzamentos sairán adiante mediante a moción de confianza que ten asegurada, porque nas circunstancias actuais non hai posibilidades para unha moción de censura alternativa.
De aí a présa que tiña o Alcalde para que os orzamentos fosen votados e aprobados ou rexeitados. Abreviábase a agonía dos estériles debates.

Os grupos da oposición aproveitaron para facer crítica pura e dura, sacando a relucir asuntos da confrontación corporativa municipal.
Así o edil do NAL falou da necesaria austeridade no gasto para estes "orzamentos dá crises".
Do Taller de Emprego Insert@res, a compra do local da Cooperativa de Cervás, do barco para converter en Aula do Mar, do Observatorio astronómico dá Bailadora, das contratacións irregulares, .....
O Alcalde acusoulle de "amnesia selectiva", por non recordar o seu comportamento cando estaba no machiño do poder e espetoulle que "cada un é fillo das súas palabras e dos seus feitos", facendo mención á súa actuación gobernando e a que na Festa dos Maiores mandouno a sentar na cea xunto aos músicos e non na Presidencia do acto.

O BNG dixo ter unha visión diferente da política municipal e gobernar doutro xeito.
Aludiu á actual falta de ingresos por licenzas de obras maiores, pola recesión e a que desde maio estaba paralizado o estudo do Proxecto ou remodelación do Novo PXOM.
Mostrouse contrario a que haxa que ter contratado un animador cultural e deportivo, xa que desa función poderíase encargar o persoal municipal e tamén non considerou prioritario, nas actuais circunstancias o do barco e observatorio astronómico.
Botou en falta partidas para o Centro de Día, Galescola, Piscina mancomunada e PEPRI ou ARI para Redes.
Do mesmo xeito que o NAL non considerou necesaria a asignación de 20.800 euros para a remodelación da Web municipal, que di está ao servizo da propaganda da Alcaldía. En resposta o Alcalde Iglesias acúsolle de manipulador e de votar a todo en contra ou absterse e de pór unicamente "paus nas rodas para que me chinche" e díxolle que "o seu desexo é verme caer nos brazos da dereita".

O portavoz do PP mostrouse o máis conciliador, daba a impresión de que estaba por facilitarlle as cousas, co seu apoio ou abstención.
Que se non o realizou foi, seguramente, porque tamén traía o súa estratexia de marcar diferenzas e que non lle acusasen de colaboracionista, como nos orzamentos do ano pasado, para tapar os seus falcatrúas.
Baseou a súa oposición en que non lle gusta esa operación de crédito de endebedamento de 450.000 euros, para a compra de terreos para a ampliación do Grupo Escolar, antigo cámping de Seselle e terreos do Castelo e zona de Estacas.

E o ex-alcalde Cendán acabou dicindo: "se queremos espectáculo, pois veña espectáculo", en alusión a que se prosiga coa Moción de Confianza.

O Alcalde daba a impresión de que quedou encantado con este resultado negativo da votación. Sabe ben que será o gran triunfador.
Ten ben aprendida a situación do seu colega Orozco de Lugo.
Sairá reforzado.

Nestes día a batalla de desmentidos, comunicados e notas de prensa sobre os orzamentos municipais 2009, non se fixo esperar, como habiamos prognosticado no Cambalache.
Pois ben, todo sexa pola clarificación e transparencia dos asuntos comunitarios que o pobo ten dereito a saber.
E neste sentido, non debería ocultarse xa por máis tempo a insinuación que se fixo das dúas cousas concretas que pediu o grupo Popular para dar o seu apoio.
Non é de recibo andar con trapalladas, debe haber diafanidade nas negociacións por moi privadas que sexan a conversacións respecto diso.

E nada de "cambelaches". As posturas distintas e o debate, sí , teñen que existir, son clarificadoras e serven para presentar as propostas alternativas.
Pero o ton debe ser o correcto, sen chegar a facer incursións no terreo persoal.
Si se toma esta deriva, o que se fai é emporcallar aínda máis a defenestrada política do todo vale. "As boas palabras aloumiñan; as malas espiñan".

Os grupos da oposición manifestan que non se lles deu opción a discutir as súas propostas alternativas no Pleno, que tingan que ver, única e exclusivamente, coa priorizazón de actuacións municipais urxentes e necesarias.
E o grupo do BNG expón que ata se lle negou a posibilidade de votar que o Proxecto queda en suspenso mentres se atopaba e negociaba un consenso.
Isto explícano nunha Nota que fixeron pública:
O BNG PROPUXO DEIXAR O Documento SOBRE A Mesa PARA COMEZAR UNHA NEGOCIACIÓN SOBRE OS ORZAMENTOS.

Por outra banda desde a Páxina Web municipal dise que:
O goberno local afirma que os feitos constatan que é o BNG o que se nega ao diálogo desde o principio do mandato.